Mediate en ergatiewe konstruksies—'n konstruksionistiese benadering

Abstract

In hierdie artikel word gefokus op die verband tussen twee konstruksies wat op die oog af identies struktureer—konstruksies waarvan die naamwoord in die onderwerpsposisie nie die agent is nie, maar die tema van die werkwoord: Die ys smelt (1)/Die skoene dra lekker (2). Daar word 'n definitiewe onderskeid gemaak tussen ergatiewe (1) en mediale (2) konstruksies. Die aanname geld dat mediale konstruksies in die sintaksis afgelei word, terwyl ergatiewe konstruksies in die leksikon afleibaar is. Dus, mediale alternante word gegenereer deur 'n sintaktiese reël Skuif X en is daarom” transitief in die leksikon. Ergatiewe alternante word gegenereer deur 'n leksikale reël Skuif X en het daarom beide 'n transitiewe én intransitiewe vorm in die leksikon.